Presidenti i Bjellorusisë Lukashenko deklaroi se gazetari Roman Protasevic rrezikon dënimin me vdekje, nëse shpallet fajtor për krime lufte gjatë luftimeve në Donbass të Ukrainës.
Në komentet kryesisht të neglizhuara të bëra të hënën, udhëheqësi bjellorus tha se Protasevich ishte përgjegjës për “krime të rënda” në Ukrainën lindore që mund të korrespondonin me dënimin më të lartë, shkruan Independent.
“Protasevich vrau njerëz atje, në Donbass, dhe ai bërtiti në aeroplan se ishte i shqetësuar për dënimin me vdekje. Ai e dinte për çfarë po fliste. Ai e dinte se mund të kishte pyetje nga Ukraina juglindore”, tha Lukashenko.
Gazetari Roman Protasevic po udhëtonte nga Athina për në Vilnius, kur avioni i tij u detyrua të ulej në Minsk më 24 maj, pas udhërit të Lukashenko. Aktivisti ishte anëtar i delegacionit të lideres të opozitës Bjelloruse Svetlana Tikhanovskaya, e cila kishte marrë pjesë në Forumin e Delphi. Ai ka luajtur një rol të madh në protestat masive kundër Lukashenkos në vitin 2020.
Protasevic akuzohet edhe për prishje të rendit publik dhe nxitje të urrejtjes. Ai i konsideron akuzat, “një shtypje të pajustifikuar politike”. Në janar 2020, ai kërkoi azil në Poloni pas presionit nga forcat e sigurisë.
