Spanja është rikthyer të jetë sërish ai ekipi i “frikshëm” që ishte disa vite më parë. Këtë e vërtetoi mjaft mirë në përballjen me nënkapionët e botës, të cilët i shkatërroi me rezultatin 6-0. Meritë në këtë rikthim ka padyshim trajneri Luis Enrique. Ish-trajneri i Barcelonës ka sjellë një frymë në ekip, e cila duket shumë e etur dhe me djem të rinj të cilët nuk ndalen 90’ minuta.
Por ajo që bie në sy tek Spanja, është se pavarësisht se Enrique ka drejtuar katalanasit, baza e kombëtares së hartuar nga ai është Madrilene. “Baza është Real Madrid dhe mendoj se është mirë”, tha Luis Enrique. Kishin kaluar plot 16 vite nga hera e fundit që Spanja kishte në formacion 6 madrilenë dhe vetëm një lojtarë të Barcelonës. Poor edhe Sergio Busquets nuk e luajti të plotë takimin, pasi u zëvendësua në minutën e 59’ duke i lënë vendin Rodri, i cili luan në radhët e Atletico Madrid.
Spanja e dy Kupave Europiane dhe të një Kupë Botërore kishte një përbërës të lartë me futbollistë nga Blaugrana. Kujtojmë që në finalen e madhe të Kupës së Botës në Afrikën e Jugut, Del Bosque aktivizoi gjashtë nga Barça (Puyol, Pique, Busquets, Xavi, Iniesta dhe Pedro), plus David Villa.
Por që nga viti 2013 prurjet nga Barcelona filluan të zbehen, ndërsa tani pas tërheqjes nga kombëtarja e Pique dhe Iniestas, trajneri nuk grumbulloi as Jordi Alba. “Unë shoh vetëm fanella të kuqe”, tha Luis Enrique. “Vetëm një ngjyrë ju intereson”.
Duhet thënë se vetë trajneri, në momentin që mori postin drejtues të kombëtares spanjolle, u akuzua se do të afronte në ekip më shumë lojtarë të Barçës, pasi më parë ai ka qenë trajner i klubit katalanas, por tashmë ai po shkruan histori, teksa ka larguar kupolën e katalansave pas 16 vitesh.
