Sonte do të luhet edhe nata e dytë e ‘aktit të fundit’ të fazës së grupeve në Champions League. 15 ekipe janë kualifikuar deri më tani në fazën e 1/16-ve dhe grupi pritet të plotësohet sonte në mbrëmje. Pas ndeshjeve që do të zhvillohen sot, të hënën, më 17 dhjetor të gjitha ekipet presin të zbulojnë fatin e tyre nga shorti dhe se cilin ekip do të kenë kundërshtar në ndeshjet me “biletë” kthimi.
Ekipi i 16-të pritet të dalë nga ndeshja midis Olimpik Lion edhe Shaktarit. Ndeshja do të zhvillohet në “NSC Olimpiyskiy”, me Lionin që i mjafton një barazim dhe Shaktari që kërkon me doemos fitoren në Francë. Këto janë ekipet që kanë siguruar kalimin në 1/16:
- Ajax
- Atletico Madrid
- Barcelona (fitues i grupit)
- Bayern Mynih
- Borusia Dortmund (fitues i grupit)
- Juventus
- Liverpool
- Manchester City
- Manchester United
- Paris Saint-Germain (fitues i grupit)
- Porto (fitues i grupit)
- Roma
- Real Madrid (fitues i grupit)
- Schalke
- Tottenham
Kjo është skema si do të funksionojë shorti të hënën në Nion të Zvicrës:
Tetë ekipet që ishin kryesues të grupeve do të ndeshen me tetë ekipet që janë renditur në vend të dytë në grupet përkatëse. Ndeshjet e para do të zhvillohen më 12-13 ose 19-20 shkurt, dhe ato të kthimit më 5-6 ose 12-13 mars. Shorti për çerekfinalet dhe gjysmëfinalet do të hidhet më 15 mars.
