Në ditët e ardhshme, pritet që të rifillojë dialogu midis Kosovës dhe Serbsië, ku do të takohen kryeministri kosovar Albin Kurti, dhe presidenti serb Aleksandër Vuçiç.
Kryetari i Këshillit Kombëtar Shqiptar në Serbi, Ragmi Mustafa i ka kërkuar Kurtit që në bisedimet e dialogut me Serbinë, të trajtohet edhe çështja e Luginës së Preshevës.
Mustafa ka patur një takim me Kurtin disa ditë më pare, por sipas mediave kosovare, ai nuk e ka bërë edne të ditur se çfarë përgjigje i ka dhënë shefi i qeverisë.
”Ajo që ne presim është që trajtimi i drejtave individuale dhe kolektive të shqiptarëve të rregullohet, krahas rregullimit të saj të arrihet një status tjetër politiko juridik i cili më pas do të shprehte edhe vetëqeverisjen e shqiptarëve në kuadër të Luginës së Preshevës. Ky është një proces që po konsideroj që ka një ndërlidhje dhe me dialogun Kosovë-Serbi. Duke qenë si i tillë konsideroj dhe kjo është një arsye më shumë se pse duhet që Çështja e Luginës së Preshevës të trajtohet në kuadër të dialogut Kosovë-Serbi”, tha Mustafa.
