Qielli i Sirisë është pushtuar nga avionët rusë, iranianë dhe sirianë (të Asadit). Ata sidomos janë të vendosur në zonën pranë Irakut, ku ndodhen edhe trupat amerikane.
Kjo hera e parë që trupat tokësore amerikane kishin kaq shumë avionë armiq mbi krye. Kjo bëri që Amerika të dërgojë avionët e famshëm F-22 Raptor, që janë edhe “stealth”, (të pakapshëm nga radarët), edhe bombardues.
Pasi rrëzuan në ajër avionin sirian (rrëzimi i parë prej shumë kohësh në një dyluftim kokë më kokë), një model rus SU-22, në qershor të 2017, F-22 Raptor amerikanë vazhduan të patrullojnë nëpër qiej. Ata janë duke lëshuar rregullisht municione të ndryshme për trupat e tyre.
Sipas Pentagonit, ky mision ka përfunduar ditët e fundit. Dhe rezultati është që trupat ruse, iraniane dhe siriane të kenë larguar rreth 600 avionë që qarkullonin në atë zonë. Më saktë, 587.
Avionët F-22 Raptor vazhdojnë të jenë të padiktueshëm. Siç u vërtetua dhe nga sulmi i fundit që u krye kundër forcave të qeverisë së Asadit. Teksa bombarduesit amerikanë F-22 Raptor vazhdonin punën me bombardime, kundra-ajrorët sirianë (modele ruse) u panë të qëllojnë qorrazi në ajër, pa shënjestër.
