Lazio ka marrë një fitore mjaft të rëndësishme përballë Udineses në transfertë duke përmbysur rezultatin në 1-2. Me këtë fitore bardhekaltërit kanë parakaluar Interin në tabelë, që u mposht nga Torino dhe kanë barazuar Romën.
Ishin vendasit që kaluan në avantazh që në minutën e 13’ me golin spektakolarë të Lasagnas në “Dacia Arena”. Por festa nuk ka zgjatur shumë pasi golashënuesi më i mirë i Serie A, Ciro Immobile ka barazuar rezultatin në minutën e 27’.
Në të 37-ën ka qenë Luis Alberto që ka kompletuar përmbysjen, duke i shkaktuar bardhezinjve humbjen e tetë radhazi në kampionat.
