Amerikanët kanë siguruar se do të japin kontributin e tyre në luftën kundër krimit të organizuar në Shqipëri.
Kreu i Policisë së Shtetit, Haki Çako gjatë një vizite në Philadelphia të SHBA-ve, zhvilloi një takim me Presidentin e IACP-së, Donald de Luca si dhe me Bruce C. Swartz, Zv/ndihmës Prokuror i Përgjithshëm dhe Këshilltar i Departamentit të Drejtësisë për Çështjet Ndërkombëtare.
Në fokus të takimit ka qenë bashkëpunimi i dy vendeve në luftën kundër krimit, ku të dyja palët ranë dakord për intensifikimin e bashkëpunimit në disa fusha.
Çako ndodhet në SHBA, pasi merr pjesë në Konferencën e Shoqatës Ndërkombëtare të Shefave të Policisë.
