Koreja e Veriut ka kryer testin e bombës me hidrogjen, dhe e ka shpallur atë si “një sukses të plotë”. Udhëheqësi Kim Jong ka nënshkruar urdhrin për të kryer testin bërthamor.
Vlerësimet e menjëhershme mbi madhësinë e shpërthimit të së dielës, kanë ngritur alarmin, duke thënë se bëhet fjalë për bombë 100 kilotonë.
Qeveria japoneze ishte e para që njoftoi sot se “Koreja e Veriut ka kryer testin e gjashtë bërthamor pas një lëkundjeje të shkaktuar, që u regjistrua në veri të vendit, jo larg zonës së testit bërthamor Punggye-ri, njofton CNN.
Shërbimi Gjeologjik i SHBA publikoi të dhënat që tregojnë se një shpërthim shkaktoi një lëkundje me një magnitudë 6.3 ballë në verilindje të vendit, duke ngitur kështu dyshimet e para për test bërthamor.
