Analisti Fatos Lubonja tha se ambasadorët, Lu dhe Vlahutin po ndihmojnë Ramën në instalimin e një regjimi banditesk. Në rubrikën “Opinion” në News24, Lubonja deklaroi se nga sundimi i tre bandave Lu dhe Vlahutin po ndihmojnë vetëm një bandë. Ai tha se këta ambasadore ose nuk dinë asgjë, ose bëjnë sikur nuk dinë asgjë. Lubonja shton se procesi i reformës në drejtësi ishte një dështim dhe këtë sipas tij e tregoi fakti që ‘kryeprokurorja e re doli si ushtar dhe tha atje betohem pa pasur asnjë pikë ndërgjegje’.
Lubonja doli kundër ambasadës së SHBA-ve dhe deklaratave të saj për dënimin e dhunës duke thënë se ishte mungesë sinqeriteti dhe reflektimi. Lubonja shton se Lu dhe Vlahutin po ndihmojnë instalimin e një regjimi bandash, ku tani po ndihmon vetëm njërën.
“Kryeprokurorja qëndronte e gatshme atje për të thënë “betohem”, pa patur pikë vrasjeje ndërgjegjeje për mënyrën se si po votohej. Kjo deklaratë është një mungesë e qartë sinqeriteti dhe reflektimi dhe përgjegjshmërie e ambasadorit Lu i cili prej kohësh ka vënë bast për reformën në drejtësi dhe bën sikur nuk e shikon dështimin e saj. Por në thelbin e vetë mendoj se ambasadori Lu dhe Brukseli, Vlahutin kanë vënë bast që ta paraqesin këtë reformë në drejtësi si një hap i madh dhe po ndihmojnë instalimin e një regjimi, nga sundimi i tre bandave, këta po ndihmojnë vetëm një bandë.
Kjo prokurori e kapur do përdoret nga dy bandat e tjerë. Eleminimi i bandave është një hap akoma më i thellë në humbjen e lirisë. Më tragjikja është që këtë proces ndërkombëtarët duan ta paraqesin si ecje para e Shqipërisë. Është një dështim që i bashkohet shumë dështimeve të tjera. Ambasadorit Lu do i kujtoja që në një shtet si SHBA, një psikopat, një kryetar shteti siç është Trump mund të heqë kreun e CIA-s imagjinoni çfarë ndodh në Shqipëri ku institucionet janë delikate.
Ajo deklaratë nuk duhet marrë seriozisht, shqiptarët duhet të bëjnë me kokën e tyre. Ose nuk dinë asgjë ose bëjnë sikur nuk dinë asgjë. E kemi provuar edhe me ambasadorin Arvizu që donte të sillte armët kimike këtu. Nuk është hera e parë që ambasadorët dëmtojnë interesin e shqiptarëve”, deklaroi Lubonja.
