Nënkryetari i LSI-së, Luan Rama me anë të një statusi në “Facebook” ka ironizuar ndryshimet e ngjyrave të flamurit të PS-së.
Rama është shprehur se PS-ja ka merita në ringritjen e shtetit pas rrënimit totalitar, për meritat që e bëri Shqipërinë aleate të NATO-s në luftën për çlirimin e Kosovës etj.
Por, nga ana tjetër ai ka ironizuar Rilindjen e Tepsisë e cila po mundohet të iki nga orgjina e kësaj partie duke ndryshuar ngjyrën e flamurit apo simbolet e PS-së.
“Mirënjohje e nderim për socialistët shqiptarë dhe Partinë Socialiste të Shqipërisë, në ditën e themelimit të kësaj kështjelle të qëndresës e heroizmit, te solidaritetit e humanizmit,që ka meritën historike të ringritjes së shtetit pas rrënimit total që shkaktoi rregjimi i Berishës më 1996 dhe 1997 dhe që e bëri Shqipërinë aleate të NATO-s në luftën për çlirimin e Kosovës, vlera të cilat Rilindja e tepsisë as nuk mund ti tjetërsojë dhe as nuk mund ti mohojë duke ndërruar ngjyrën e flamurit apo simbolet e Partisë Socialiste”, shkruan ai.
