Nënkryetari i LSI-së ka dalë në një konferencë për mediat ku ka falendëruar qytetarët që morë pjesë në mitingun e djeshëm në sheshin “Nënë Tereza”.
Gjithashtu, Rama falendëroi edhe ministrin e Brendshëm për mbarëvajtjen e mitingut, por akuzoi se sot “është ridimensionuar gjuetia e shtrigave, që shkojnë nëpër institucione me fotografi në duar për të larguar nga puna qytetarë të rinj vetëm se kanë qenë të pranishëm në mitingun e LSI-së.”
Gjithashtu, Rama i ka kthyer përgjigje Ruçit lidhur me shkarkimin e Presidentit, ndërsa siguroi punonjësit e shkarkuar se më 26 qershor do rikthehen në vendet e punës.
FJALA E LUAN RAMËS:
Shqiptarët që morën pjesë dje në mitingun e LSI-së duke dëshmuar mbështetjen me LSI-në. Kjo është edhe si rrjedhojë e një raporti shumë korrekt komunikimi që kemi me të gjithë anëtarët, por edhe me pjesën tjetër që shohin te LSI një alternativë reale të ndryshimit të qasjes së qeverisë ndaj tyre, por shohin edhe një program që ka si fokus uljen e taksave.
Në këto 9 ditë që kanë mbetur, kam një apel të veçantë, të vazhdojmë punën të fokusuar të alternativa jonë dhe të mos bien pre e provokimeve, kulimave që mund të krijohen për shkak të depresionit të madh ku gjenden konkurrentët tanë.
LSI është një forcë që rritet ditë pas dite për të shkuar te triumfi madhështori i 25 qershorit.
Falenderoj për korrektesën në shërbim nga ana e Policisë, dhe në mënyrë të veçantë edhe ministrin e Brendshëm.
Për fat të keq, është ridimensionuar gjuetia e shtrigave, që shkojnë nëpër institucione me fotografi në duar për të larguar nga puna qytetarë të rinj vetëm se kanë qenë të pranishëm në mitingun e LSI-së.
Kjo është një shfaqje tjetër e panikut, frikës që ka përfshirë kampin e rilindjes.
Kam një mesazh për punonjësit që të mos kenë merak sepse më 26 qershor të gjithë do të kthehen në vendet e tyre të punës.
Meta tha se nuk do të dekretojë asnjë Kryeministër dhe asnjë ministër që del nga zgjedhjet të vjedhura. Nuk e kuptoj çfarë problemi ka Ruçi me këtë përcaktim që është në mbrojtje të standardit të zgjedhjeve. Nëse ka një skenar të tillë, ky është një problem tjetër. Ka ikur koha e zgjedhjeve nën presion, frikë, e kërcënim. Shqipëria duhet të dëshmojë pjekuri për të realizuar zgjedhje të lira e të barabarta./ Tirana Today
