Dueli i madh i boksit mes kampionit të botës Anthony Joshua dhe Carlos Takam, një sfidë tjetër e rëndësishme pasi anglezi mposhti Wladimir Klitschkov. Vëmendja e të gjithëve do të jetë tek ky duel dhe të gjithë janë kurioz të shohin nëse Takam është rivali i denjë për kampionin e peshave të rëndë.
Luan Krasniqi i cili ishte pranë fitimit të këtij titulli, pasi u shpall kampion Evrope mendon se nga ky duel do të ishte surprizë çdo përfundim tjetër përveç një nokauti të pastër nga ana e Joshua.
“Nesër Anthony Joshua kthehet në ring për herë të parë pas fitores së tij ndaj Wladimir Klitschkos. Ai ishte supozuar që të luftojë ndaj Kubrat Pulev, i cili u lëndua. Tash kundërshtari i tij është Carlos Takam. Ka shumë gjëra në këtë botë, por çdo gjë pos një fitore të pastër nga Anthony Joshua do të ishte befasi e madhe”, deklaroi Krasniqi në një postim në Facebook.
