Propozimi i Bashkisë së Tiranës për rritjen e çmimit të ujit ka hasur në reagime të shumta. Partia Demokratike ka kundërshtuar rritjen e çmimit të ujit, të cilën e sheh si një abuzim të Bashkisë së Tiranës, ndërsa Lëvizja Socialiste për Integrim është pro kësaj rritjeje, por me disa kushte.
Në një deklaratë për mediat, këshilltarja e LSI-së, Erjona Bixha tha se LSI do të bashkojë votat me PS-në në këshill për çmimin e ujit të pijshëm nëse realizohen 3 pika, të cilat janë si më poshtë:
“Votën tonë sot në këshillin bashkiak të Tiranës, në bazë të realizimit të këtyre pikave:
Të merren masa për prerjen e lidhjeve të paligjshme që u bëhen disa bizneseve klienteliste
Të përjashtohen nga rritja e çmimit të ujit të pijshëm pensionistët dhe familjet në nevojë.
Të vendosen çmime diferenciale për bizneset, që tarifat të jenë të ndryshime për fabrikat dhe baret.
Sa i përket koncesioneve të shkollave, ne jemi kundër çdo koncesioni. Nëse nuk reflektohen këto vendime, atëherë nuk e japim votën”, tha Bixha.
Nëse LSI bashkon votat me PD-në kundër PS-së, atëherë nisma e bashkisë nuk kalon.
