Lëvizja Socialiste për Integrim gjatë një takimi me elektoratin e Beratit ka prezantuar sot kandidatët për deputetë në këtë qark, mes tyre edhe deputetin ndaj të cilit ka nisë procedimi penal për shitje-blerje votash, Gledion Rehovica.
Kandidati Rehovica, iu është kundërpërgjigjur zërave kundër, lidhur me lajmin e disa ditëve më parë, duke i quajtur ato shpifje të cilat vinë si pasojë e trembjes së rritjes së LSI-së.
“Jam akuzuar për shitje-blerje votash e kudo unë me radhë. LSI nuk ka nevojë të blejë vota. Votat e LSI janë këtu. LSI e mbështet i gjithë qarku i Beratit. Ju bëj thirrje të gjithë atyre që duan t’i prishin imazhin LSI-së me shpifje: ne jemi këtu, LSI nuk trembet. Në 2009 kemi pasur rreth 9000 vota, në 2013 rreth 22 mijë vota dhe kjo rritje i ka trembur të gjitha forcat politike”, tha Rehovica.
Dy ditë më parë, Krimi ekonomik si dhe Krimet e Rënda në Policinë e Shtetit, kanë nisur procedimin penal për drejtorin e Spitalit Rajonal të Beratit i cili akuzohet se në bashkëpunim me disa punonjës të spitalit të Beratit dhe deputetin e LSI-së Gledion Rehovica.
