Sokol Dervishaj, kandidat për deputet në Vlorë dhe njëkohësisht ministër i Transportit dhe Infrastrukturës, beson se LSI do të jetë forcë e parë politike në zgjedhjet e 18 qershorit.
Sipas tij, njerëzit kërkojnë që LSI të drejtojë vendin, ndërsa thekson se do punohet fort për arritjen e këtij objektivi.
“LSI do të jetë forcë fituese dhe rrjedhimisht drejtuese. Ne jemi gati të drejtojmë vendin. Koha dhe njerëzit kërkojnë që filozofia e LSI të drejtojë vendin, dhe ne nuk mundemi kurrsesi të bëjmë gjë tjetër vetëm se t’i bindemi këtij vullneti dhe të punojmë fort ta arrijmë këtë objektiv”, tha Dervishaj.
Fillimisht ishte Meta ai që bëri një deklaratë të tillë lidhur me objektivin për të dalë forcë e parë politike në vend, ndërsa më pas një gjë të tillë e pranoi edhe Vasili.
Ndërkohë, kreu i grupit parlamentar të PS-së, Gramoz Ruçi, tha se kjo mbetet për t’u parë pas zgjedhjeve, nëse LSI do jetë forcë e parë, apo opozitë.
