Aventura për Cristiano Ronaldon në Champions League me italianët e Juventusit filloi në mënyrën më të keqe. Ylli portugez u përjashtua që në pjesën e parë nga arbitri gjerman pas një përplasje me mbrojtësin e Valencias, Jeison Murillo. Ronaldo reagoi në mënyrë të çuditshme në atë moment duke e prekur nga flokët qendërmbrojtësin kolumbian. Pavarësisht se nuk ishte një rast i rëndë arbitri i habiti të gjithë kur i tregoi kartonin e kuq.
Reagimi i parë për këtë situatë aspak të këndshme për Xristiano Ronaldon ka ardhur nga motra e tij, Karia Aveiro. “Duan ta shkatërrojnë vëllain tim. Do t’i paguajnë shtrenjtë këto lot”. Ky postim ka ngjallur shumë kritika në rrjetet sociale, teksa i është dashur t’u japë përgjigje: “Ka gjëra që unë kurrë nuk do t’i kuptoj.
A është anormale të mbrosh atë që beson? Në rastin në fjalë, një person mund të mos jetë në pëlqimin tuaj, as familja e tij, por padrejtësia ishte publike. Shumë njerëz në këtë botë nuk e dinë se çfarë është dashuria dhe unë do të reagoj fort kundër atyre, që lëndojnë njerëzit e mi”, shkruan fillimisht e motra e Ronaldos.
A post shared by Katia Aveiro (@katiaaveirooficial) on
“Çdo lot që derdh Cristiano është një dhimbje në zemrën time” dhe, ju siguroj, lotët e mi do ta lëndojnë atë që bën padrejtësi. Unë do të bërtas me zë të lartë me gjithë shpirtin tim (askush nuk është i detyruar të më dëgjojë). Cristiano është një njeri që e respekton futbollin si pak të tjerë, është e turpshme për ata që kërkojnë të mos dinë se çfarë është e natyrshme. Unë do ta mbroj deri në fund. Nëse dikush është shqetësuar, më vjen keq, por është problemi i tij. Po e nënshkruaj: jam motra më krenare në botë”, përfundon letrën Katia Aveiro, në rrjetin social “Instagram”.
