Lot, lule, arkivole të bardhë. Kjo është e gjithë hija që po rëndon mbi Xhenovan e sotme. Qyteti po mban zi nën një heshtje të thellë teksa po mban ceremoninë mortore të 18 nga 41 viktimat.
Pjesa e familjeve të viktimave të tjera kanë bojkotuar funeralin shtetëror duke akuzuar qeverinë italiane si përgjegjëse për tragjedinë e Xhenovas kur ura Morandi u shemb dhe mori jetën e 41 personave.
Midis këtyre jetëve të humbura janë edhe dy të rinj shqiptarë. Marjus Djerri dhe Admir Bokrina, përkatësisht 22 dhe 28 vjeç janë mbuluar me flamurin kuqezi. Ndërsa mbi arkivolin e tyre familjarët dhe shokët e tyre puthin fotografitë dhe lotojnë. TIRANA TODAY
