“Loro Boriçi” duket se nuk do të jetë gati edhe për ndeshjen e parë të fazës së dytë për ekipi e Vllaznisë. E cila sërish do ti duhet ti gjejë një stadium të licencuar për të zhvilluar ndeshjen me Lushnjen, ku shkodranë janë ekipi pritës. Këtë problem e pati edhe në ndeshjen e fundit ku kishte përballë Skënderbeun dhe u vendos që ndeshja të zhvillohej në Korçë në stadiumin ”Skënderbe”.
Kjo situatë duket se do të vazhdojë për shkak të motit të keq dhe shirave që kanë qenë të dendur dhe kanë vështirësuar procesin e rikuperimit të barit të mbjellë në disa pjesë të fushës së stadiumit “Loro Boriçi”. Klubi po studion alternativat e mundshme edhe pse nuk ka marrë akoma një përgjigje përfundimtare për këtë problem. Por ka gjasa që Vllaznia të udhëtojë në një stadium tjetër edhe në këtë sfidë, pasi edhe fusha sportive “Reshit Rusi” nuk u licencua si pasojë e gjendjes së saj që nuk i plotëson kushtet për të zhvilluar një ndeshje normale. Kjo situatë sigurisht që do të rëndojë mbi klubin, i cili edhe këtë vit duket se do të ketë misionin për të qëndruar mes më të mirëve në kampionatin shqiptarë.
