Kapiteni legjendarë i kombëtares shqiptare ka zgjedhur një formë tjetër për të qenë sa më pranë sportdashësve dhe fansave të tij. Lorik Cana me anë të rrjetit të Instagramit është duke komunikuar LIVE me fansat e tij, duke i përzgjedhur në mënyrë rastësore dhe i përshëndet ata.
Gjatë një bisede me një djalë të ri që jetonte në periferi të Palermos, në Itali, kapiteni e përgëzoi të riun për shqipen e rrjedhshme që fliste. Djali kishte lindur në Itali dhe ishte rritur atje: “Kam lindur këtu dhe jam rritur, por gjuhën shqipe e flas shumë mirë. Prindërit i kam shqiptarë,” u shpreh i riu.
Ndërsa Cana kishte vetëm admirim për të dhe prindërit e tij: “Jam shumë i lumtur që prindërit të kanë mësuar gjuhën shqipe të flasësh kaq rrjedhshëm, pasi është krenari të tregosh që je shqiptarë. Urime prindërve që u mësojnë fëmijëve të flasin shqip pavarësisht se ku rriten apo lindin”.
Cana më pas ka vazhduar bisedën dhe me shumë të rinj të tjerë që jetojnë nëpër vende të ndryshme të botë. Ai ka qenë dhe do të mbetet një ndër futbollistët më të dashur që ka pasur kombëtarja shqiptare, prandaj dhe tifozët e njohin si kapiteni legjendarë.
