Janë identifikuar dy nga emrat e personave që kryen sulmin terrorist të së shtunës në Londër. Lajmi është konfirmuar nga policia lokale.
Personat që kryen sulmin terrorist janë Khuram Butt dhe Rachid Redouane.
Butt, 27 vjeç, ishte i martuar me fëmijë dhe jetonte në Barking, në lindje të Londrës prej disa vitesh. Ai ishte i njohur për policinë dhe “MI5”, por nuk kishte asnjë indikacion nga inteligjenca britanike për një sulm të mundshëm nga ana e tij.
Policia e Londrës tha se “Hetimet janë në vazhdim për të konfirmuar identitetin e bashkëpunëtorëve të dy sulmuesve.”
Ata dhe një burrë tjetër u vranë nga policia pasi vranë shtatë persona dhe plagosën 48 të tjerë.