Stafi i kombëtares së Shqipërisë po vazhdon të lobojë në arenën ndërkombëtare për të bindur futbollistët me prejardhje shqiptare që ta përfaqësojnë fanellën ‘kuqezi’.
Në shënjestrën e trajnerit italian Edoardo Reja kësaj rradhe ka qenë dhe mesfushori i Këlnit Elvis Rexhbecaj.
Burime të Indeksonline bëjnë të ditur që ndihmëstrajneri i Shqipërisë, Hamdi Salihi e ka telefonuar Rexhbecajn duke kërkuar takim me futbollistin dhe familjën e tij në Gjermani.
Megjithatë, Rexhbecaj nuk ka pranuar ftesën e ‘kuqezinjve’. Vlen të theksohet që Federata e Futbollit të Kosovës e ndjek gjithashtu mesfushorin që luan në Bundesligë, prej disa vitesh.
Por 23-vjeçari ende nuk ka bërë zgjedhjen përfundimtare për kombëtaren që do të përfaqësojë.
