Drejtuesja e Prokurorisë së Tiranës, Elizabeta Imeraj, ka bërë me dije për “Report TV” se u ka kërkuar informacion me shkrim dy prokurorëve për procedurat e ndjekura, gjatë hetimeve si dhe mbi vendimin e marrë më pas.
Imeraj ka kërkuar nga dy prokurorët e çështjes që të sqarojnë se përse nuk është marrë në pyetje Nikolas Muzin.
Vendimi i dy prokurorëve të Prokurorisë së Tiranës, Ervin Karanxha dhe Gjergji Tako, për të pushuar akuzën e pastrimit të parave ndaj kreut të PD-së, Lulzim Basha ka lënë shumë pikëpyetje.
Drejtuesja e Prokurorisë së Tiranës, Elizabeta Imeraj, ka bërë me dije për “Report TV” se u ka kërkuar informacion me shkrim dy prokurorëve për procedurat e ndjekura, gjatë hetimeve si dhe mbi vendimin e marrë më pas.
Imeraj ka kërkuar nga dy prokurorët e çështjes që të sqarojnë se përse nuk është marrë në pyetje Nikolas Muzin, pas marrjes së dokordësisë nga pala amerikane, që lejonte prokurorët shqiptarë për të pasur dëshminë e tij.
Gazetari i “Report TV”, Arsen Rusta raporton se Imeraj ka kërkuar sqarim edhe për mënyrën sesi është përjashtuar nga vendimi, prokurori tjetër, Kol Hysenaj, dhe vënien në dispozicion të procedurës së ndjekur nga ata.
Për të sqaruar paqartësitë e këtij vendimi, dy prokurorët kanë tre ditë kohë, ndërsa Imeraj ka paralajmëruar se vendimi në fjalë do të jetë nul nëse konstatohet se nuk është respektuar ligji.
Për këtë vendim, ka reaguar edhe njëri prej prokurorëve të dosjes, Ervin Karanxha, për “Report TV” thotë se prokurori tjetër, Kol Hysenaj është njoftuar me postë, Kol Hysenaj.
Lidhur me akuzën e pastrimit të parave, Prokurori Karanxha thotë se kjo akuzë nuk u faktua për shkak të mungesës se dëshmisë së, i cili ka kërkuar garanci që nuk mban përgjegjësi penale.
Karanxha thotë se për Muzinin duhet të vendosë gjykata për të pranuar ose jo, kërkesën e tij.
Prokuroria e Tiranës mori të pandehur kreun e opozitës Lulzim Basha për dosjen e lobimit me para ruse në SHBA në zgjedhjet parlamentare të 2017-ës, dhe i kërkon gjykatës të caktojë datën e gjyqit për Bashën, Arben Ristanin dhe financierin e PD Ilir Dervishin.
Sipas njoftimit të siguruar nga “Report Tv”, Basha është i pandehur vetëm për falsifikim formulari në lidhje me deklarimet e shpenzimeve pranë KQZ, ndërsa akuza e “Pastrimit të produkteve të veprës penale ose veprimtarisë kriminale”, ka rënë.
