Reshjet e dendura të shiut, që kanë karakterizuar Shqipërinë gjatë ditës së sotme, kanë shkaktuar rrëshqitj1e masive inertesh në rrugën Vlorë-Himarë, konkretisht në Llogara, përballë fshatit Dukat.
Krahas reshjeve të dendura, erozioni duket të jetë favorizuar edhe nga djegia e masivit pyjor, mbi këtë pjesë të rrugës.
Nga rrëshqitja e inerteve është vështirësuar kalimi i mjeteve në këtë pjesë të rrugës, ndërsa në vendngjarje kanë mbërritur edhe efektivë të policisë rrugore.
Policia ka njoftuar Entin pronar të rrugës për të rivendosur gjendjen.
Gjithashtu, shërbimi i Policisë Rrugore është duke u kujdesur për të siguruar mbrojtjen dhe qarkullimin normal të mjeteve në këtë aks rrugor.
