Ministri Sandër Lleshaj ka zgjedhur të mos marrë pjesë sot në mbledhjen e Komisionit të Medias dhe Edukimit. Kjo ka sjellë indinjimin e demokratëve. Albana Vokshi e ka cilësuar këtë veprim si një sjellje anti Kushtetuese, ndërsa deputeti Luçiano Boçi ironizoi teksa tha se Lleshaj mund ta ketë parë ftesën si një ftesë dasme.
Ai i bëri thirrjet Ministrit të Brendshëm që të shkonte në komision dhe të jpete llogari se përse studentët në Universitetin Juridik janë nxjerrë me dhunë nga godina.
“Policia kaloi të gjitha kompetencat në universitete, i intimidoi dhe i rrahu studentët. Disa ishin edhe civilë aty por duhen verifikuar, ndërsa policia nuk e bën këtë. Ministri e di që është ftesë dasme ardhja në komision, kësaj i trembet ai kërkesës së llogarisë.
Pra, thirret policia të vendosë rend e qetësi se e kanë prishur studentët. Pa u zgjatur shumë duke qëndruar tek akti i refuzimit të dëgjesës të ministrit i bëj thirrje të vijë me urgjencë të lërë axhendën e bla-bla blave”,- tha Boçi.
