Ministri i Brendshëm, Sandër Lleshaj, ka dhënë komentin e parë referuar protestës së studentëve, lidhur me plotësimin e 9 kërkesave nga qeveria shqiptare. Në një prononcim për gazetarët, pas përfundimit të ceremonisë së organizuar për 106-vjetorin e Policisë, Lleshaj tha se uniformat blu nuk pengojnë askënd që të protestojnë.
“Policia nuk pengon askënd të protestojë. Nuk flasim më për studentët, se ata e kanë ndërprerë protestën. Por një grup personash të caktuar, të cilët kanë vendosur një formë tjetër për të shprehur pakënaqësinë e tyre ndaj atyre që mendojnë. Policia e Shtetit nuk merret me këtë çështje”, u shpreh Lleshaj.
