Ministri i Brendshëm, Sandër Lleshaj ka reaguar pas deklaratës së Bashës, teksa ky i fundit e cilësoi ministrin si një nga personat që ndihmojnë Ramën dhe zbatojnë urdhrat e tij.
Këtë akuzë Basha e bëri në një deklaratë urgjente për shtyp, pas arrestimeve të disa anëtarëve të PD-së nga policia. Në një postim në Twitter, Lleshaj shkruan se Basha është përgjegjës për çdo individ që aktivizon kundër ligjit dhe lirive politike në vend!
Ai vijon më tej, teksa paralajmëron se “kush u përgjigjet thirrjeve për paligjshmëri, do të përballet me ligjin!”.
“Lulzim Basha është përgjegjës për çdo individ që aktivizon kundër ligjit dhe lirive politike në vend!
Pengimi i subjekteve zgjedhore dhe përdorimi i lëndëve plasëse, kundër atyre dhe forcave të rendit janë vepra penale. Askush nuk do të tolerohet. Kush u përgjigjet thirrjeve për paligjshmëri, do të përballet me ligjin!”, shkruan Lleshaj në Twitter.
1/Lulzim Basha është përgjegjës për çdo individ që aktivizon kundër ligjit dhe lirive politike në vend!
— Sandër Lleshaj (@SanderLleshaj) June 14, 2019
