Edhe qytetarët e Korçës janë ngritur në protestë për vrasjen e 25-vjeçarit Klodian Rasha.
Me pankarta në duar “Lleshaj dorëhiqu” dhe “Unë jam Klodiani” me dhjetëra të rinj, protestuan fillimisht para policisë dhe më pas u drejtuan drejt bashkisë.
Ecja drejt bashkisë së qytetit nuk shkoi qetë, pasi ata i vunë flakën pemëve festive, si dhe hodhën shishe e gurë. Mësohet se një polic ka mbetur i plagosur pasi është goditur me gurë.
Ndërkohë, pritet të zhvillohet një tjetër protestë në kryeqytet në orrën 18:00, pas asaj të djeshmes, u qytetarë të shumtë u revoltuan para Ministrisë së Brendshme duke kërkuar dorëheqjen e ministrit Sandër Lleshaj.
Më tej, protestuesit u zhvendosën drejt kryeministrisë ku u konfrontuan me forcat e policisë, dhe më pas u shpërndanë si pasojë e hedhjes së gazit lotsjellës.
Klodian Rasha u ekzekutua këtë të martë, 8 dhjetor, nga një efektiv policie. Ngjarja ka ndodhur në zonën e Laprakës në kryeqytet, pasi i riu kishte dalë orët e para të mëngjesit jashtë banesës së tij, duke thyer orën policore.
Policia shprehet se Rasha ka kërcënuar efektivin e policisë, ndaj ai ka qëlluar në kushtet e vetëmbrojtjes dhe në errësirë. Por, ndryshe thonë familjarët dhe fqinjët të cilët shprehen se rruga është me ndriçim dhe i riu nuk mbante asnjëherë armë me vete.
