Mbyllet pjesa e parë në një disavantazh pre 3 golave për kuqezinjtë e Panuccit. Nuk ishte menduar që pjesa e parë të ishte kaq e dobët nga kombëtarja Shqiptare. E nisin mjaft mirë duke u hedhur në sulm, godasin dhe portën me Grezdën. Por spanjollët marrin në kontroll gjithçka dhe në të 15’ën Rodrigo kthen në gol një top të hedhur në zonë nga Isco, totalisht e përgjumur mbrojtja dhe portieri Berisha. Priteshe një reagim nga formacioni i Panuccit, por që nuk lidhen dot dhe të dalin në sulm rrjedhshëm që të jenë të rrezikshëm.
Në minutën e 24’ janë sërish spanjollët që gjejnë golin me anë të madrilenit Isco, i cili shfrytëzon në mënyrë perfekt një vertikalizim në zonë nga Koke dhe mposht me mjaft lehtësi Berishën. Ndërkohë vjen një reagim nga Shqipëria me anë të Llullakut i cili godet nga jashtë zone dhe trondit traversën e mbrojtur nga De Gea.
Tre minuta pas golit të dytë vjen edhe i treti për të vulosur rezultatin e pjesës së parë. Këtë herë është Alcantara që mposhtBerishën me një goditje mjaft të bukur me kokë.
Në minutën e fundit të ndeshjes vjen një rast i artë për kuqezinjtë, ku Grezda i rrëmben një top Pique në zonë dhe pason për Llullakun i cili nuk arrin të godasë si duhet dhe të dërgojë topin në zonë. Me rezultatin 3-0 mbyllet edhe pjesa e parë, duke shuar çdo shpresë për të marrë një rezultat pozitiv. Të shohim në pjesën e dytë çfarë do të bëjë tekniku italian Panucci për të ndryshuar rrjedhjen e ndeshjes, apo për të mos u ndëshkuar më shumë.
Pjesa e dytë
Zëvendësimet:
Shqipëri: I.Balliu/A.Sadiku, H.Memolla/A.Agolli 45′, E.Grezda/L.Latifi 66′
Spanjë: G.Pique/Nacho 60′ , D.Silva/M.Asensio 74′ , Rodrigo/A.Aduriz 82′
Në minutën e 69′ Hysaj kroson një top mjaft të mirë në zonën ku është Sadiku, i cili godet me kokë, por sërish pa fat topi përplaset në shtyllë.
73’Latifi i sapo futur në fushë, rrëmben mjaft bukur një top dhe mes dy mbrojtësve godet në portë, por De Gea është në pozicion topi kthehet mbrapa ku është Sadiku i cili godet por jashtë kuadratit.
