Mbrojtësi i Liverpulit, Virgil Van Dijk duket se do të kthehet në fushë këtë javë pas një ndërprerje nëntë mujore me një dëmtim serioz në gju. Kapiteni i Holandës ka qenë jashtë që prej ndërhyrjes kirurgjikale në ligamentin e kryqëzuar të përparmë, në këmbën e tij të djathtë, pas një përplasje me Jordan Pickford, në derbin e Merseyside-it, në tetor.
Van Dijk humbi tre ndeshjet e tij të para stërvitore në kampin në Austri, por është “listuar” për një paraqitje të shkurtër kundër Hertha Berlinit të enjten. “Shpresoj, nuk jam i sigurt, se ekziston një mundësi që Virgil të luajë disa minuta,” tha menaxheri Jurgen Klopp për liverpoolfc.com.
“Ai duket vërtet mirë në stërvitje dhe mbase ne mund ta fusim, por unë kam nevojë për të bërë disa biseda përfundimtare. Ai duket gati dhe ne do ta shohim.” Qendërmbrojtësi tjetër Joe Gomez, i cili gjithashtu ka qenë larg për gati aq kohë me një dëmtim në gju, mund të kthehet në fushë në miqësoren e Anfieldit kundër Athletic Bilbaoss më 8 gusht.
“Nëse i shihni lojrat tani si pjesë e trajnimit të tyre të rehabilitimit, ka kuptim,” shtoi Klopp. “Joey është shumë afër. Nuk ka konkurrencë midis të dyve; ata kanë pasur lëndime të ndryshme dhe gjëra të tilla, por (ai është) shumë afër. Në stërvitje ata të dy duken me të vërtetë mirë, por nuk ka asnjë nxitim për ne.
