Liverpool ka zhvilluar një ndeshje të jashtëzakonshme përballë Romës në gjysmëfinale të Champions League dhe është me një këmbë në finalen e madhe të Kievit. një ndeshje që i kishte të gjitha brenda dhe me golat e shumtë të shënuar do të mbahet mend gjatë në histori.
Roma e nis mjaft mirë në 20’ minutat e para, por është një ish, është Salah që me një “magji” mposht portierin Alison dhe ngujon italianët.
Në minutën e fundit të pjesës së parë, egjiptiani shënoi edhe golin e dytë me kundërsulm, në një sezon madhështor për të me 43 gola në 46 ndeshje zyrtare.
Në pjesën e dytë, Salah nuk shënoi më, por “ndërtoi” golat e tjerë për “të kuqtë”, në një natë të paharrueshme. Pjesa e dytë nis në të njëjta ritme, por këtë herë Salah nuk shënon, por asiston për shokët dhe fillimisht pas një kundërsulmi “vrasës” është Mane që dërgon topin në rrjetë.
Më pas është Firmino që që con shifreat në 4-0, sërish pas një kundërsulkmi që vjen nga këmbët e egjiptianit Salah. Ky i fundit jep sërish një asist të bukur ku brazilianit i duhej vetëm ta shtynte në rrjetë.
Ndërsa golin e pestë e shënoi sërish Firmino, me një goditje me kokë, gjatë një korne, kur mbeteshin edhe 20 minuta lojë. Liverpool ka shënuar 38 gola në këtë edicion të Champions League, më shumë se çdo ekip tjetër.
Gjithsesi, Edin Dzeko firmosi golin e parë për Romën, dhjetë minuta para fundit, ndërsa goli i dytë i Perotti me penallti, pesë minuta para fundit i jep një shpresë të vakët italianëve për në “Olimpico”.
Mbyllet 5-2 në “Anfield Road”, tifozët e Liverpool nuk e kishin imagjinuar as në ëndrrat më të bukura, teksa tani duhet të fillojnë të mendojnë për një transfertë në finalen më të madhe të sezonit, në Kiev.
Pasi fitoi çmimin e lojtarit më të mirë të vitit në Premier League, Salah ka hedhur një kandidaturë të fortë edhe për “Topin e Artë”. Një paraqitje fantastike e skuadrës së Jurgen Klopp shkatërroi krejtësisht të besuarit e Eusebio Di Francesco, të cilët do të kenë nevojë për një tjetër mrekulli si ajo ndaj Barcelonës në ndeshjen e kthimit.
