Xherdan Shaqiri pritet të jetë titullar në formacionin e Liverpool në ndeshjen gjysmëfinale të kthimit në Cahmpions League, përballë Barcelonës të martën në Anfield.
Liverpooli humbi dy nga tre sulmuesit kryesorë. Roberto Firminon dhe Mohamed Salah nuk do të jenë të grumbulluar si pasojë e dëmtimeve, prandaj Jurgen Klopp do t’i kthejë sytë nga Xherdan Shaqiri, Daniel Sturrige dhe Divock Origi në përpjekje për të përmbysur rezultatin dhe për t’u kualifikuar në finalen e Champions.
Një ditë pasi u konfirmuar se sulmuesi brazilian Firmino do të mungojë, Klopp njoftoi sot se as egjiptiani Salah nuk do të jetë i gatshëm për të kuqtë nesër.
Van Dijk ordering Trent that Shaqiri should take the free kick. He takes it and provides us the winning goal. One of our best decisions made all season, my leader, my CB. pic.twitter.com/g6ypkaCY1e
— Samuel (@SamueILFC) May 4, 2019
Sulmuesi egjiptian u nxor me barelë jashtë fushës në pjesën e dytë ndaj Newcastle United të dielën, pasi e përplasi kokën me portierin kundërshtar në një duel.
“Salah nuk mund të luajë nesër. Ai ka bërë më mirë, por nuk mund të luajë nesër. Masë parandaluese? Jo, ai pësoi tronditje, që nënkupton se atij nuk i lejohet të luajë. Ai ndihet mirë, por jo mjaftueshëm për të luajtur nga pikëpamja mjekësore.”
Klopp u shpreh i kënaqur të shtunën me performancën e Shaqirit dhe Origit, falë të cilëve Liverpool mbeti në garë për titull në Premier League, pasi belgu shënoi golin e fitores pas një super harkimi nga kosovari i Zvicrës.
Liverpooli humbi 3:0 ndeshjen e parë në Camp Nou dhe tani duhet të ballafaqohet pa dy nga tre sulmuesit kryesor në ndeshjen e kthimit në përpjekje për ta arritur të pamundurën.
Shaqiri i ka bërë vetëm tri paraqitje për të kuqtë në Ligën e Kampionëve, duke dhënë një asist. Ai nuk është paraqitur në këtë garë që prej humbjes ndaj PSG-s në fazën e grupeve në nëntor. Në gjashtë ndeshjet e fundit kosovari ka qenë në stol.
Megjithatë, sipas të gjitha gjasave, ai bashkë me Origin mund të startojë nesër në Anfield, për të dhënë maksimumin që të arrijnë të paimagjinueshmen ndaj një super skuadre si Barcelona, në mënyrë që të sigurojë finalen e dytë radhazi të Liverpoolit në Champions.
