Liverpool dhe Chelsea do të përballen në “The Anfield Road”, në javën e 13 të Premier League. Të dy ekipet vijnë nga një formë mjaft pozitive, ku “The Reds’, kanë tre fitore radhazi në kampionat, ndërsa “Blutë e Londrë” kanë një më shumë. Liverpooli barazoi kundër Sevillës në mesjavë, megjithëse kishte tre gola epërsi pas pjesës së parë. Chelsea shënoi një fitore të lehtë kundër Qarabagut me rezultat 4-0 ndërsa Antonio Conte shpreson se lojtarët të kenë pushuar pas një udhëtim të gjatë. Kjo është një fitore e domosdoshme për të dyja ekipet pasi që Manchester City duket se është favoriti i vetëm për titullin e Premier Ligës. Megjithatë, tri takimet e fundit mes këtyre dy ekipeve në Anfield kanë përfunduar 1-1.
Liverpooli nuk dihet nëse do të ketë në dispozicion Joel Matip, i cili ka humbur dy ndeshjet e fundit pas dëmtimit të këmbës. Trent Alexander-Arnold dhe Joe Gomez duhet të vazhdojnë të luajnë në krahun e djathtë. Jordan Henderson kishte një performancë të tmerrshme kundër Sevillas dhe Jurgen Klopp mund të mos ta inkuadroj që nga minuta e parë. Emre Can mund të mungon pasi po lufton me lëndimet, ndërsa Alberto Moreno përballet me presionin e kohës për tu rikuperuar.
Alvaro Morata, Tiemoue Bakayoko, Andreas Christensen dhe Gary Cahill do të kthehen në formacionin titullar pas pushimit në mesjavë. Eden Hazard mund të luajë në sulm me Alvaro Moratën, duke lejuar Antonio Conte të që të ketë katër mesfushorë qendrorë. Ky vendim do t’i kushtonte me mos inkuadrim të njërit prej lojtarëve, Willianit apo Pedros. Victor Moses do të mbetet sërish në stol, i cili ka gati gjashtë javë që nuk luan në 11-shen startuese. Gjithashtu edhe Michy Batshuayi, i cili pësoi një lëndim me kombëtaren belge.
Kush mund të jetë lojtari i ndeshjes?
A e dini se…?
Liverpooli nuk ka pësuar gol në shtatë prej tetë ndeshjeve të fundit si vendas (Premier League). “The reds” ka fituar tre ndeshjet e fundit në shtëpi kundër Chelseat në të gjitha garat. Chelsea ka fituar shtatë nga tetë ndeshjet e fundit (Premier League). Liverpooli ka shënuar së paku tre gola në tre ndeshjet e fundit (Premier League). Chelsea nuk ka pësuar gol në tre ndeshjet e fundit (Premier League). Në katër ndeshjet e fundit të Liverpoolit janë shënuar mbi dy gola (Premier League). Liverpooli ka fituar tre ndeshjet e fundit (Premier League). Në pesë prej gjashtë ndeshjeve të fundit të Chelseat janë realizuar mbi dy gola (Premier League). Chelsea janë të pamposhtur në gjashtë ndeshjet e fundit kundër Liverpoolit në të gjitha garat.
Vlerësimi i lojtarëve deri në xhiron e 13 të Premier Ligës dhe formacionet e mundshme:
