Gjykata e Lartë ka vendosur të dërgojë për rishqyrtim çështjen e lirimit të kreut të bandës së Durrësit, Lulzim Berisha. Kjo gjykatë do të vendosë nëse vendimi i Gjykatës së Apelit në qytetin e Durrësit, ishte i drejtë apo jo. Pritet që Apeli të caktojë një datë se kur do të mbahet procesi i rekursit në lidhje me lirimin e ish-kreut të bandës së Durrësit.
Kjo çështje e etiketuat e përmendur shumë herë , solli dhe një reagim të ambasadorit amerikan Lu, ku kishte mbetur në dhomën e këshillimit prej afro një viti. Por vetëm pak ditë më parë treshja e gjykatësve, firmosi ta kalojë në seancë, me argumentin se ka shkaqe për t’iu nënshtruar shqyrtimit gjyqësor. Dhoma e këshillimit, është një lloj filtri për çdo çështje, e cila duhet të kalojë në gjykatën supreme.
Në rastin e Lulzim Berishës është vendosur që dosja të kalojë për gjykim dhe jo të mbyllet me mospranim rekursi, çka do të ishte arkivim përfundimtar i çështjes. Lulzim Berisha është dënuar për vrasje në Durrës, ndërsa ai është liruar në dhjetor të 2016 nga Gjykata e Apelit në Durrës.
Lulzim Berisha njihet si truri i “Bandës së Durrësit”, një organizatë kriminale përgjegjëse për disa krime të rënda. Banda ka nisur të aktivizohet në vitin 1998, ku Berisha në bashkëpunim me një grup të rrezikshëm kanë vrarë më armë zjarri, Dritan Sallakun. Ai ka vepruar së bashku me Plaurent Dervishaj, Adriatik Colin, Klodian Saliun dhe Ilir Xhungën.
Seriali i vrasjeve doli në dritë në pranverën e vitit 2006 ku në pranga përfunduan 7 persona, në mesin e të arrestuarve 4 ishin vrasës me pagesë. Personi me emrin Adriatik Coli, shfaqi shenja pendese dhe pranoi të bashkëpunojë me drejtësinë pas riatdhesimit nga Itali, duke treguar jo pak në lidhje me ngjarjen, përfshirjen e personave dhe shkaqet e ngjarjeve kriminale të kësaj bande.
Historiku i ngjarjeve kriminale të bandës së Lulzim Berishës.
17 tetor 1998
Organizata kriminale e drejtuar nga Lulëzim Berisha dhe Klodian Saliu, ata akuzohet për vrasjen e Dritan Sallaku, më 17 tetor të 1998 në Durrës. Kjo mbahet dhe shënohet si vepra e parë kriminale e këtij grupi të rrezikshëm.
Me 29 tetor 1998
Pas dy javësh, organizata e Berishës dhe Saliut akuzohet se ka kryer dy vrasje të tjera. Bëhet fjalë për ekzekutimin e shtetasve Viron Curri e Arjan Paja më 29 tetor 1998. Në këtë ngjarje u plagos edhe Marsel Sotiri
Më 22 gusht 1999, Marsel Sotiri ekzekutohet në një pritë, në lagjen “Plazh” në qytetin e Durrësit.
Me 9 korrik 2000
Organizata kriminale e drejtuar nga Lulëzim Berisha dhe Klodian Saliu akuzohet nga prokuroria e policia edhe për një tjetër vrasje. Këtë herë ata kanë kryer atentatin ku u vra shtetasi Dritan Disha. Kjo vrasje ka ndodhur më 9 korrik 2000 në fshatin Shënavlash të Durrësit
Me 14 janar 2002
Një tjetër vrasje i është faturuar organizatës kriminale Berisha-Saliu. Më 14 janar të vitit 2002 i kanë zënë pritë dhe më pas ka kryer ekzekutimin e shtetasit Ervin Lame në lagjen numër 3 të Durrësit
Në vitin 2003,organizata është ndarë në dy organizata të tjera, të kryesuara nga Lulzim Berisha dhe Klodian Saliu. Por, tashmë të dyja këto organizata tashmë janë bërë rivale të njëra- tjetrës duke filluar një luftë ndërmjet tyre.
26 shkurt 2005
Organizata e kryesuar nga Lulzim Berisha ka marrë hak ndaj rivales së saj duke organizuar atentatin për vrasjen e Klodian Saliut. Kjo vrasje ka ndodhur me datë 26 shkurt të vitit 2005, pranë fshatit Maminas të rrethit të Durrësit.
13 tetor 2005
9 muaj më ka ardhur kundërpërgjigjja e ish- organizatës së Klodian Saliut. Tashmë ajo drejtohet nga Indrit Dokle dhe akuzohet se ka kryer vrasjen e Avni Gashit, më 13 tetor 2005 në Tiranë. Pas vrasjes, trupi i Gashit është hedhur në fshatin Romanat të Durrësit.
30 tetor 2005
Hakmarrja e grupit të kryesuar tashmë nga Indrit Dokle nuk përfundon këtu, por 27 ditë më vonë ai ka organizuar vrasjen e shtetasit Ilir Kolgjini, i njohur si mik i Lul Berishës. Kjo vrasje ka ndodhur në kryeqytet fare pranë stadiumit Qemal Stafa.
