Të vetëpunësuarit në bujqësi nuk kanë paguar sigurimet te Institutit të Sigurimeve Shoqërore. Borxhi ndaj këtij institucioni është rreth 15 miliardë lekë. Por nga ligji i faljes pritet të përfitojnë edhe ata që nuk kanë paguar detyrimet e sigurimeve shoqërore.
Gjatë një prononcimi për mediat, Astrit Hado, drejtor i Institutit të Sigurimeve Shoqërore shprehet se ligji në fuqi që fal kamatëvonesat, detyron të vetëpunësuarit që të paguajnë principalin. Gjithashtu një tjetër ligj i rëndësishëm që pritet të përfitojnë është statusi naftëtarit.
Kreu i Sigurimeve iu bëri thirrje ish punonjësve të naftës që të mos iu drejtohen zyrave të ISSH-së, pasi ligji është ende në fazën e miratimit të vendimeve ligjore dhe akteve për zbatimin e tij.
