Ministri i Punëve të jashtme i Serbisë Ivica Daçiç ka shprehur për marrëdhënien me ministrin e Jashtëm të Kosovës Behgjet Pacollin, se komunikimi i tyre është aq i afërt sikur ti kishte bërë e njëjta nënë. “Aq bukur flet kur jemi vetëm unë e ai sa që unë ndihem keq. Porse, sapo të dalë nga takimi, ai ankohet se unë ia prish konceptet. Thotë se: ‘sapo bëj diçka unë, Daçiç shkon dhe e tërheq një njohje’. Ai personalisht e kupton këtë. Arsyetohet madje se nuk i shkruan kumtesat me të cilat më sulmon, por disa shërbime”.
Kështu është shprehur Daçiç në një intervistë për mediat serbe, i cili tregoi mbi raportin me Pacollin. Nga ana tjetër ky i fundit e ka pohuar këtë deklaratë, duke e akuzuar ministrin Daçiç se bën diversione ndaj Kosovës. Po ashtu, shefi i diplomacisë ka nënvizuar për çështjen shumë delikate, atë të anëtarësimit të Kosovës në OKB, shprehu se Serbia nuk do të lejojë: “Fakti se nuk do të lejojmë anëtarësimin e Kosovës në organizatat ndërkombëtare nuk është çështje inati ose komploti. Është çështje parimi. Duam zgjidhje që do ta përfshinte edhe këtë segment.
Për karrigen e Kosovës në OKB nuk do të na pyesë askush. E po të pyetemi, kjo do të thotë se ne duhet ta thërrasim Rusinë e Kinën dhe atyre t’iu themi ‘lëreni të hyjë KB’. Ose të gjitha vendet që i kam bindur ta tërheqin njohjen, t’i thërras e t’iu them ‘njiheni sërish Kosovën’. Kjo është joserioze”, ka thënë ai.
