Liberalizimi i vizave për Kosovën, Sholtes: Rropatja prej dy vitesh

Sipas raportuesit për të në Parlamentin Europian, Igor Sholtes, Kosova duhej ta kishte siguruar që përpara dy vitesh liberalizimin e vizave.
“Unë bëra më të mirën- ishte komenti i Sholtes, e kjo do të shprehet qartë edhe në progres raport”.
Pritshmërinë janë të mëdha, megjithatë jo çdo gjë varet nga Parlamentit Evropian. Është Komisioni, ai që e thotë fjalën e fundit dhe raportuesi për Kosovën ka bindjen se rekomandimi i tij do të jetë pozitiv dhe se liberalizimi mund të përfundojë brenda vitit.
Por, për shtyrjen e procesit, sipas zyrtarit evropian kanë faj edhe vet kosovarët, që duhej ta kishin kryer atë në një kohë me Gjeorgjinë dhe Ukrainën.
“Shpesh e kam përmendur se banorët e Kosovës e meritojnë liberalizimin dhe duhet të shijojnë lëvizjen e lirë nëpër Evropë. Por, ditët e fundit po diskutohen edhe shumë tema të tjera të rëndësishme, në të cilat ka ende hapësirë për përmirësim”, u shpreh Sholtes.
Ai nënvizoi në veçanti se ka nevojë për përmirësime në pika që lidhen me zbatimin e ligjit për korrupsionin dhe krimin e organizuar, reformat në sistemin gjyqësor, si dhe pavarësinë e gjyqtarëve e prokurorëve.
Detyra që shtrohet përpara Parlamentit të Kosovës është të miratojë edhe aspektet e transparencës në të gjithë sektorët publikë, si dhe duhet të diskutojë për marrëveshjet ndërkombëtare.