Të hënën, Rusia paralajmëroi se mund të mbyllë tubacionin e saj kryesor të gazit në Gjermani, nëse Perëndimi vazhdon dhe ndalon naftën ruse.
Zëvendëskryeministri Alexander Novak tha se një veprim i tillë do të çonte në “pasoja katastrofike” për furnizimin global, dhe në dyfishimin e çmimit të naftës në 300 dollarë për fuçi.
SHBA-ja ka eksploruar një ndalim të mundshëm me aleatët, si një mënyrë për të ndëshkuar Rusinë për pushtimin e saj në Ukrainë. Por Gjermania dhe Holanda e hodhën poshtë planin të hënën.
BE-ja merr rreth 40% të gazit dhe 30% të naftës nga Rusia, dhe nuk ka zëvendësues të lehtë nëse furnizimet ndërpriten.
Novok tha se Rusia ka çdo të drejtë të hakmerret, dhe vuri në dukje vendimin e Gjermanisë muajin e kaluar për të bllokuar certifikimin për gazsjellësin e dytë Nord Stream midis dy vendeve.
Burimi i lajmit: BBC. Përshtatur nga Tirana Today
