Kryeministri Rama nga qyteti i Lezhës ka folur në lidhje me disa vendime të cilat janë marrë nga ana e qeverisë për këtë qark. I pyetur për drejtorët e rinj në Lezhë, Rama tha se ata janë në provë, ndërsa theksoi së është i vendosur për ta çuar për skrap tepsinë e panevojshme, por kjo sipas tij nuk është çështje vetëm e drejtorëve, por kjo shkon paralelisht më reformën në administratë.
Drejtorët e rinj të burgjeve të cilët mbrëmjen e djeshme u zyrtarizuan, për kryeministrin ata do të vijojnë të jenë në provë. Kjo tregon se pavarësisht se këtë drejtorë janë zgjedhur me konkurs, ata janë nën vëzhgim dhe mund të përfundojnë sërish për “skrap”.
Kryeministri Rama tha se drejtorët janë nën vëzhgim dhe në vijimësi do të merren masa. Për kryeministrin, Lezha tashmë do të ketë një sërë projektesh të cilat do i japin zhvillimi zonës, përmes ndërtimit të infrastrukturës dhe si pikë kyçe do të jetë agroturizmi i zonës.
Rama përmendi edhe reformat në administratë, ndërsa theksoi së është i vendosur për ta çuar për skrap tepsinë e panevojshme. Dy projekte të rëndësishme të Lezhës do të jetë ndërtimi i rrugës së Torovicës, hapja e mundësisë për një rikualifikim të infrastrukturës në plazhin e Shëngjinit dhe të Velipojës si formë bashkëpunimi.
“Më i rëndësishme, është projekti i rrugës kombëtare Milot -Balldren dhe me tunelin që mundëson kalimin e tunelit që futet si fshehurazi për të shkuar në Shkodër, Integrimin e Shëngjinit dhe të Velipojës, përmes mundësi shumë të re transporti”-tha Rama.Pas protestës së banorëve, të cilët i kërkuan llogari kryeministrit sapo mbërriti në Lezhë për mungesën e infrastrukturës, ai tha se brenda këtij mandatit do të mund t’i mbyllim këto projekte. Kreu i qeverisë, shtoi se do të vijojë reforma e ujit, ndërsa paralajmëroi se familjet në nevojë do të pajisen me ujëmatësa falas.
