Ditën e djeshme, motër e vëlla në Gjadër të Lezhës, janë kanosur me armë nga tre persona.
Sipas njoftimit të policisë, këta të fundit kanë ndaluar automjetin me të cilin udhëtonin motër e vëlla, M.N 33 vjeçe dhe E.N., duke u dalë para me një mjet fuoristradë tip ‘Benz’.
Tre personat kanë zbritur nga automjeti dhe njëri prej tyre, nën kërcënimin e pistoletës i ka kanosur ata dhe familjarët e tyre, me motivin që mos të shpërndanin lekë për fushatë elektorale.
Ngjarja ka ndodhur rreth orës 14:30, ndërsa nga veprimet hetimore rezulton se autorë të dyshuar të kësaj vepre penale janë shtetasit:
– S.N. 19 vjeç, banues në Lezhë
– G.M. 21 vjeç, banues në Lezhë
– A.M. 24 vjeç, banues në Lezhë.
Strukturat e Policisë po punojnë për kapjen e personave të shpallur në kërkim në lidhje me këtë ngjarje.
