Mbrëmjen e djeshme, një plagosje me armë zjarri është shënuar në Lezhë, në fshatin e quajtur “Ishull Lezhë”. Shtetasi Arben Gjini është plagosur në këmbë e në shpatull.
Mësohet se i plagosuri është ndodhur në një kafe me autorët. Ata kanë qënë të ulur bashkë, kanë patur një zënkë, e më pas ka ndodhur plagosja. Po kështu një makinë tip “Benz” është gjetur e djegur.
Mjeti në fjalë është gjetur 5 kilometra larg vendit të ngjarjes. Pas krimit, janë ngritur disa pika kontrolli për të kapur autorët.
Njoftimi i plotë:
“Më datë 27.08.2018, rreth orës 20:45, në Ishull Lezhë, është plagosur me armë zjarri shtetasi A.Gj. 35-vjeç, i cili është transportuar në spital për ndihmën e nevojshme mjekësore.
Gjithashtu, në Kolsh – Lezhë, është gjetur i djegur mjeti tip Benz, i denoncuar i vjedhur, i cili dyshohet se është përdorur nga autorët e plagosjes.
Grupi hetimor në vendngjarje, nën drejtimin e Prokurorisë së Rrethit Gjyqësor Lezhë, vazhdojnë hetimet për zbardhjen e plotë të rrethanave të ngjarjes.
Janë ngritur pika kontrolli, me qëllim kapjen e autorëve”.
