Djali dhe nipi i deputetit të PS, Rahman Rraja janë ndaluar gjatë një aksioni policor. Mësohet se Rexhep Rraja dhe Ramazan Rraja leviznin me makinë të blinduar. Bashkë me ta, në polici është shoqëruar dhe kushëriri tjetër i tyre J.Rraja.
Aksioni është zhvilluar në zonën Kodër-Kashar. Uniformat blu po kryejnë kontrolle dhe verifikime për mjetet e blinduara, dhe deri tani janë shoqëruar disa shoferë dhe janë bllokuar 3 mjete të blinduara.
Ramazan Rraja është një emër i lakuar nga policia, pasi është akuzuar për disa ngjarje, për trafik droge apo dhe për masakrën e Fushë-Krujës, ku u ekzekutuan me rreth 100 plumba kallashnikovi tre të rinjtë Brilant Martinaj, Diklen Vata dhe Besmir Hoxha.
