Kancelarja gjermane, Angela Merkel dhe presidenti amerikan, Donald Trump kanë diskutuar edhe për Ballkanin Perëndimor. Zëdhënësi i Merkelit, Steffen Seibert, në një deklaratë për mediat ka kofirmuar se në bisedën telefonike mes kancelares dhe presidentit është diskutuar dhe për rajonin e Ballkanit.
Duke mos dhënë detaje për bisedën lidhur me këtë çështje, Seibert ka treguar se dy liderët botërorë kanë folur edhe për Ukrainën dhe për çështjet tregtare si dhe për situatën në Siri, raporton Reuters.
Tema që ka rikthyer Ballkanin vrullshëm në vëmendje të institucioneve ndërkombëtare është ideja e ndryshimit të kufijve.
Pak kohë më parë, Merkel deklaroi qartë se është kundër ndryshimit të kufijve në Ballkanin Perëndimor. Ndërsa John Bolton, këshilltari për siguri kombëtare i presidentit Trump tha se SHBA-së nuk do t’i ndërhynte në bisedimet për shkëmbimi i territoreve mes Kosovës dhe Serbisë, nëse pajtohen dy palët.
