Një draft propozim i ri rreth përdorimit të gjuhës shqipe pritet të përgatitet nga Lëvizja Besa. Lajmi është bërë e ditur nga deputeti i Lëvizjes Besa, Fadil Zendeli, i cili ka mbajtur një konferencë për gazetarë në Kuvendin e Maqedonisë.
“Sa i përket ligjit për gjuhën shqipe, kemi pasur premtime nga partitë e tjera se do të votohet edhe para formimit të qeverisë, por siç po e shohim ende nuk është në agjendën qeveritare”, ka thënë ndër të tjera Zendeli.
Ai ka thënë se deputetët e Lëvizjes BESA janë të përmbajtur për zv/ministrat, nuk diskutojnë me qëllim që sa më shpejtë të kompletohet Qeveria
Zendeli ka deklaruar gjithashtu se Lëvizja BESA në vazhdimësi ka qenë përkrahëse e Prokurorisë Speciale Publike, ndërsa do të shqyrtojë propozim-ligjet për këto çështje.
