“Prej kohësh, gjendja ime psikologjike nuk më lë të jetoj i qetë. Jam shumë i rënduar dhe më mirë të shkoj në botën tjetër, sepse po bëhem barrë për të gjithë! Kur të lexoni letrën s’dua të fajësoni askënd!” – thuhet në letrën e lamtumirës që, 59-vjeçari nga Pogradeci, la para tentativës për vetëvrasje.
Kjo letër është gjetur nga Policia e Shtetit, bashkë me armën e krimit anës liqentit të qytetit jug-lindor.
Vladimir Fezollari qëlloi veten me një plumb në kokë, buzë liqenit, dhe u dërgua me helikopter drejt Tiranës, ku ndodhet në gjendje të rëndë.
