Ish-drejtori i Arkivit në Ministrinë e Brendshme, historiani Kastriot Dervishi ka publikuar një shkresë të vitit 1947, drejtuar Presidiumit të Kuvendit Popullor.
Në këtë shkresë kërkohej falja e deputetëve të dënuar me vdekje, ndërsa letra i përkiste datës 9 tetor 1947.
Sipas shkrimit të Dervishit, të nesërmen kërkesa për faljen e jetës u refuzua nga Hoxha, ndërsa vendimi u ekzekutua të nesërmen.
“Presidiumi dhe Ministria e Mbrojtjes
Para se Presidiumi i Kuvendit Popullor të nënshkruante aktin e fundit që lejonte ekzekutimin me vdekje të procesit të parë ndaj deputetëve, Ministria e Mbrojtjes Kombëtare jepte mendimin e saj që në këto raste ishte përfundimtar. Bashkëlidhur është letra përkatëse e datës 9 tetor 1947. Po atë ditë nën urdhrat e ministrisë, Presidiumi vendosi refuzimin e faljes së jetës dhe vendimi u ekzekutua të nesërmen”, shkruan Dervishi në Facebook.
