Ronald Kuman shpteh dëshirat për vitin 2021. Trajneri i Barcelonës thotë se ky vit duhet të jetë ndryshe nga ai që lamë pas në të gjitha aspektet dhe mund të rikthejë qetësinë si te katalanasit, ashtu edhe në të gjithë botën, shkruan Panorama Sport.
NDESHJA – “Eibari është një skuadër shumë kompetitive, që kërkon të bëjë presing shumë larg. Duhet të jemi mirë për të marrë rezultat pozitiv dhe të kërkojmë hapësirat që do të na lërë kundërshtari. Nëse nuk do të jemi të përgatitur, do të jetë sfidë e vështirë”.
MESI PUSHON – “Ai kishte disa shqetësime në gju dhe për këtë arsye nuk mund të stërvitej me skuadrën dhe as të luante. Do të rikthehet pas ndeshjes. Nëse do të qëndronte 1 javë pa luajtur, atëherë do të bëhet mirë”.
INTERVISTA – “Nuk e pash dot drejtpërdrejtë, por e lexova. Më duket diçka e mirë që jep opinionet e tij. Ai ka qenë gjithmonë i qetë. Duhet të marrim më të mirën nga ai gjatë ndeshjeve”.
MBËSHTETJE – “Nuk e di nëse fjalët që tha ai më japin qetësi, por e falënderoj. Është një lojtar i rëndësishëm për klubin tonë dhe për futbollin. I jam mirënjohës. Unë dua që të ndihmoj skuadrën. Është një vit tranzicioni për ne dhe po tentoj të bëj disa ndryshime”.
POÇETINO-MESI – “Nuk e di. Nuk mund të jap opinion, por Mesi nuk e vendos të ardhmen e tij në bazë të trajnerit. Ai vendos me familjen e tij”.
KALENDARI – “Kam vetëm 3 stërvitje për të përgatitur ndeshjen. E para ishte individuale për shkak të COVID-it. Kalendari është shumë i ngjeshur për futbollistët. Fizikisht janë mirë. Duhet të kishin disa pushime sepse iu bën mirë edhe mendërisht”.
DEMBELE – “Listën nuk e kam publikuar ende, por do ta bëj pas stërvitjes së fundit. Ai ka vetëm 6 ditë me skuadrën. Në princip do të grumbullohet”.
SKEMA – “Flitet shumë për këtë gjë, por e rëndësishme është energjia dhe puna e futbollistëve. Skema varet nga qasja e skuadrës. Në funksion të lojtarëve bëhet edhe skema. Mesi është një mungesë e madhe për ne, për kualitetin dhe efektivitetin që ka”.
GRIZMAN E KUTINJO – “Ne na mungon një lojtar që ka efektivitet. Kemi nevojë që të gjithë të jenë në formë sa më të mirë”.
VITI 2020 – “Ka qenë një vit i qetë në aspektin e profesionit. Por pata probleme me zemrën, pastaj COVID-i dhe gjithçka tjetër ishte e vështirë. Por tani jam në një vend ku kam dashur të jem prej shumë kohësh, edhe pse shumë të vështirë. Gjithçka varet nga rezultati i skuadrës. Shpresoj që në vitin e ardhshëm të vijnë gjërat pozitive për Barcelonën dhe për të gjithë njerëzit”.
