“Leo Messi është 50 për qind e kombëtares së Argjentinës”

Lionel Messi është lojtari kryesor i kombëtares së Argjentinës dhe suksesi i saj varet nga forma e lojtarit të Barcelonës. 30-vjeçari ka fituar shumë trofe me katalanasit, ndërsa me kombëtaren zhgënjimi ka qenë i madh me tre finale të humbura, një finale Botërori dhe dy “Copa America”.Patrick Kluivert, është shprehur se Leo Messi është sa gjysmë e skuadrës “albicheleste”, Ish-sulmuesi i Barcelonës, pranon se rëndësia e tij për kombëtaren nuk mund të nënvlerësohet, duke thënë për “Ole”: “Messi është një lojtar i rëndësishëm, si për Barcelonën, ashtu edhe për Argjentinën. Unë mendoj se Leo është 50 për qind e ekipit kombëtar. Nuk mendoj se gjithçka varet nga ai, por në një ditë të mira, Messi fuqizon gjithçka. Natyrisht, është njerëzore dhe një ditë mund të mos jetë në formën e duhur.Pa të, gjërat mund të jenë të komplikuara për Argjentinën. Në kualifikuese, kur ai nuk ishte aty, ekipi pësoi. Argjentina nuk kishte shkëlqim dhe nuk mundi t’i fitonte ndeshjet, që me Messin me siguri do t’i kishte mbyllur me sukses”.Kluivert beson se pavarësisht nga betejat e tij ndërkombëtare, Messi mbetet lojtari më i mirë në planet: “Ai është më i miri në botë, nuk kam dyshime. Messi dhe Cristiano Ronaldo janë shumë më tepër se pjesa tjetër e futbollistëve. Ata janë njëshi dhe dyshi pa asnjë dyshim. “Topi i Artë” do të vazhdojë të shpërndahet mes tyre. Messi, për shembull, është i vetmi lojtar i aftë për të ndryshuar rrjedhën e një ndeshjeje. E kam parë në Spanjë dhe gjithashtu me Argjentinën, për shembull kundër Ekuadorit”. Messi dhe Argjentina do ta ngrenë siparin e Botërorit të Rusisë kundër Islandës, më 16 qershor, para se të sfidojnë Kroacinë dhe Nigerinë në ndeshjet e tjera të Grupit D.