Sioni i shqiptarëve ka shkatërruar Thunin me rezultatin 7-2 në luftën për mbijetesë në Superligën e Zvicrës. Lojtari i kombëtares shqiptare, Lenjani ka shënuar një supergol në këtë sfidë, ka realizuar edhe Pajtim Kasami, por nga penalltia.
Futbollisti shqiptar, Ermir Lenjani, pasi shënoi një super gol ndaj Thunit, është shpërblyer nga ‘Blick’, duke e përzgjedhur në ekipin më të mirë të javës. Lenjani ka shkëlqyer në fitoren e thellë të Sionit 7:2 ndaj Thunit. Ai ka arritur të shënojë golin e katërt për skuadrën e tij në minutën e 47-të.
Goli i Lenjanit ishte padyshim më i miri i javës në kampionatin zviceran, pasi goditi nga një pozicion tejet i vështirë. Përveç golit të shënuar, Ermiri asistoi edhe në dy golat tw tjerë pwr skuadrën e tij duke qenë futbollisti i ndeshjes.
Kështu ka ai ka hyrë në formacionin e javës nga e përditshmja e madhe zvicerane, dhe kjo nuk është hera e parë. Formacioni i javës nga ‘Blick’: Omlin, Knezeviq, Nef, Lenjani, Carlitos, Sulejmani, Sow, Rohner, Schurpf, Cunha, Itten.
