Duket se nuk kanë të ndalur lëkundjet e tërmetit në detin Jon. I fundit i regjistruar në sistemin e Qendrës Sizmologjike Europiane-Mesdhetare, është ai i orës 7:50 të kësaj të hëne, me magnitudë 4.5 sipas shkallës Rihter.
Lëkundje të mëhershme janë regjistruar edhe në orën 7:32, 3:40, apo dy herë pas mesnatës, por që të gjitha kanë qenë me magnituda më të vogla sesa 4.
Ai me magnitudën më të lartë raportohet ta ketë pasur epiqendrën në det të hapur, në zonën pranë ishujve Zakynthos dhe Lithakia, por lëkundjet e tij janë ndjerë deri në Patra e Athinë. Thellësia e tij ka qenë 10 km.
