Manchester United është duke kaluar një moment mjaft të vështirë dhe këtë e tregon mjaft qartë rezultatet e këtij fillim sezoni. Legjenda e sulmit të “Djajve të Kuq”, Eric Cantona pranon me gjysmë zëri se rivalët e Manchester City-t po luajnë futbollin më të bukur në qarkullim në këtë moment. Por ai refuzon që të përmendë emrin e tyre.
Natyrisht, Cantona mbetet një tifoz i thekur i United dhe shpreson që Red Devils të bëjnë kthesë, për të qenë kandidatë për titull, edhe pse duket e pamundur.
“Unë gjithnjë shpresoj që titullin ta fitojë United, sidomos në një sezon si ky, ku favoritët janë skuadrat që duam më shumë nga të gjitha t’i mundim. Është ende shumë herët, ndaj duhet të shpresojmë që United do të ngjitet në nivelin e duhur.
Është e tmerrshme, por skuadra më e bukur për t’u parë në këtë moment është skuadra nga krahu tjetër i qytetit. Është skuadra që nuk dua t’ia përmend emrin”, thotë Cantona, si gjithnjë simpatik dhe i veçantë në deklaratat e tij.
